🇮🇳🇮🇳🇮🇳Azaadi aur Modi Ji!!🇮🇳🇮🇳🇮🇳

Bharat Mera Desh hai, banana isko videsh hai,
Modi isko chalata hai, humko kuch nahi aata hai,
Vote humne usko diye, note usne hamse liye,
Vyapar ki to baat na karo, saare bas GST se daro,

Azaadi hamne paayi thi, khoon se kamayi thi,
Bhagat singh ne dilai thi, sabse ho nahi payi thi,
Nehru - jinnah bhid gaye the, kaumi dange chhid gaye the,
Angrezon ne bhi thaana tha, batwara humara karana tha,

Kya khub azaadi humne pai, netao ne ki kamai,
Imaandari bik gayi hai, sarkar humari jhuk gayi hai,
Jhande ka koi maan nahi karta, apne mulk me apno se darta,
Sena ki koi baat ni sunta, har raat ek soldier marta,

Kab tak ye chalega Modi ji, kabhi to sun lo janta ki,
Paisa nahi ped pe ugta, kaagzo pe nahi dhandha chalta,
Watan kiya hai tumhare hawale, tum hi ho iske rakhwale,
Hum logo ki karo sunwai, aise na karo bewafai,

Gadi nahi paani se chalti, ab nahi hoti andh bhakti,
Aazad diwas par kuch to karo, vaade apne yaad karo,
Umeedo se tumhe jitaya, karo na inko tum bakaya,
Baaton se pet na bharo, humare liye kuch to karo,

Kuch to karo modi ji!!